Ауыл мектептері барлық дерлік елдердің білім беру жүйесінің негізін құрайды. Әлем халқының тең жартысы ауылдық мекендерде тұрады, жүз миллиондаған ауыл мектептерінің оқушылары күн сайын қоғам мен мемлекеттің ерекше назар аударуын қажет ететін жағдайларда білім алады. Ауыл мектептерін қолдау білім алудың қолжетімділігі мәселесі ғана емес, бұл тұрақты дамудың, әлеуметтік тұрақтылық пен прогрестің негізі болып табылады.

Бүгінде ауыл мектебі қалай дамып жатыр? Қазақстанда бұл салада қандай жаһандық бастамалар жүзеге асырылуда? Әлеуметтік әріптестік білім беруді жақсартуға қалай ықпал етеді? Ауыл педагогтері қандай қиындықтарға тап болуда? Бұл шығарылымда біз ауылдағы білім беру саласына өзгеріс енгізуге бағытталған жобалар, өңірлер үшін жаңа мүмкіндіктер ашатын тірек мектептер, педагогтердің біліктілігін арттыру, оқытуға жаңашылдық енгізетін жаңа әдістемелер мен технологиялар жайында баяндаймыз.

Журналымыздың бұл басылымы еліміздегі әрбір баланың сапалы білім алуына бағытталған бірлескен қадамдардың қуатты ықпалы туралы.