Мақаланың мақсаты – Малайзиядағы KAFA (Kelas Al-Quran dan Fardhu Ain – Құран және хадис сабақтары) мұғалімдері үшін мазмұнды оқыту мен оқудың тиімді тәсілі ретінде Сабақты зерттеуді енгізудің және көпшілікке таратудың баға жетпес тәжірибесімен бөлісу.

Сабақты зерттеу бес түрлі мектепте өткізілді және 15 KAFA мұғалімі төрт түрлі пәннен сабақ берді, атап айтқанда: араб тілі, діни ережелер, джави және ислам әдебиеті. Әрбір пән бойынша кем
дегенде екі Сабақты зерттеу өткізілді. Әр сабақ бір сағатқа созылды және оқыту мен оқу сабақтарынан кейін рефлексия сессиясы өткізілді. Рефлексия сессиялары осы үдеріске қатысқан барлық мұғалім үшін өте тиімді болды. Әрбір мұғалімге рефлексия сессиялары кезінде өзіндік пайымдаулары, өз ұсыныстары мен идеяларын айтуға мүмкіндік берілді. Сабақты зерттеу үдерісінің нәтижесі мұғалімдер мен оқушылар үшін өте пайдалы болды.

Мұғалімдер үшін пайдалы болған тұстардың бірі оқыту және оқуға деген сенімділіктің артуы, бірлесіп (оқшауланып емес) жұмыс істеуі, бір-бірін құрметтеуі және бір-бірінен үйренуі. Оның үстіне,
Сабақты зерттеу мұғалімдер үшін кәсіби даму тәсілдерінің бірі болды. Сонымен қатар бірде-бір оқушы оқудан тыс қалмады және оқыту мен оқу үдерісіне асқан қызығушылықпен қатысты. Сабақты
зерттеу үдерісінен кейін оқушылардан оқып, үйрену тәжірибесіне кері байланыс алынды, өздерінің не үйренгендері туралы пікір қалдыру ұсынылды. Бұл мұғалімдердің болашақта оқыту мен оқу тәжірибесін жақсартуы үшін өте маңызды.