Мақала жаһандық білім берудегі трансформация жағдайында Қазақстандағы педагогикалық қайта даярлау жүйесінің қалыптасуы мен дамуын талдауға арналған. Педагогикалық емес жоғары білімі бар мамандар үшін Ә. Марғұлан атындағы Павлодар педагогикалық университетінің қатысуымен ұйымдастырылатын қайта даярлау курстарына ерекше назар аударылады.
Бұл жұмыста Астана қаласындағы «Назарбаев Зияткерлік мектептері» ДББҰ Педагогикалық шеберлік орталығымен әріптестіктің, оқу модульдерін бірлесе әзірлеу және тренингтер өткізу тәжірибесінің маңыздылығы атап көрсетіледі. Мұндай ынтымақтастық бағдарламаны халықаралық стандарттарға сәйкестендіруге мүмкіндік берді. Құзыреттілік тәсілдемесін қалыптастырудағы маңызды кезең Кембридж университетінің (Homerton College) PGCE моделін зерделеумен байланысты болды, бұл кезеңде кәсіби рефлексия, тәлімгерлік, практикалық тәжірибеге басымдық беру және оқыту процесіне зерттеу қызметін кіріктіру қағидаттары меңгерілді. Халықаралық тәжірибені ұлттық жағдайларға бейімдеудің негізгі принциптерін – модульдік құрылым, практикалық қызметке басымдық беру және тәлімгерлік жүйесін сақтауға мүмкіндік берді.